ლეილა ბერძენიშვილი

პროექტის სახელი–– სიტყვის ხელოვნება
პროექტის მოკლე აღწერა 1–2 წინადადებით––ლიტერატურა ხელოვნების ერთ–ერთი დარგია. იგი, როგორც ხელოვნების სხვა დარგები–მხატვრობა, მუსიკა, ხუროთმოძღვრება, ქანდაკება ცხოვრებას ასახავს. გვაძლევს ცოდნას ადამიანისა და საზოგადოებრივი ურთიერთობის შესახებ.
პროექტის სრული აღწერა:––მაგალითად კომპოზიტორი თავის აზრს, ფიქრს მისწრაფებას, სიხარულს თუ მწუხარებას გამოხატავს ბგერების საშუალებით. მხატვარი–ფერების საშუალებით, ხოლო მწერალი ცხოვრების სურათებს გვიხატავს სიტყვების საშუალებით. ამიტომ ლიტერატურას სიტყვის ხელოვნებას უწოდებენ. მაგალითისათვის ავიღე გალაკტიონ ტაბიძის ლექსი "ნიკორწმინდა",რომელშიც გამოვლინდა პოეტის სიტყვიერი ოსტატობის გრძნეულებანი. ეს ლექსი კლასიკური მაგალითია პოეტური იდუმალების არსში წვდომისა, ლიტერატურული არტისტიზმისა და რიტმულ–მუსიკალური ჯადიქრობისა. ლექსში გამოიკვეთა ხელოვნების საკითხი ანუ "ძალთა აღმაფრენისა".
მონაწილეთა ასაკი:–– 14–15
ვადები/ხანგრძლივობა:–– 10–30 აპრილამდე
პროექტის შესაძლო აქტივობები კლასში:–– მოიძიონ მასალები ლექსის დაწერის შესახებ–ქართული ხუროთმოძღვრების შესახებ ( ბაგრატის ტაძარი, სვეტიცხოველი, ნიკორწმინდა და სხვ.) წაიკითხონ წინასწარ ლექსი "ნიკორწმინდა"
მოსალოდნელი შედეგები/პროდუქტები, რაც შეიძლება შეიქმნას:–– მოსწავლეები გაიღრმავებენ ცოდნას სიტყვის ხელოვნების შესახებ. ხელოვნება შობს ხელოვნებასლ. პარიზის ღვთისმშობლის ტაძრის მონუმენტურ კედლებს სული ჩაუდგა ვიქტორ ჰიუგომ, სვეტიცხოველმა შთააგონა სიტყვის დიდოსტატ გამსახურდიას, რომ დაეწერა ბრწყინვალე რომანი "დიდოსტსტის მარჯვენა"."ნიკორწმინდის" ხილვისას კი " დიდებული სხივი გამობრწყინდა" და გალაქტიონმა ქებათა ქება მიუძღვნა მას. ლექსი ერთი კონკრეტული ტაძრის სახოტბოდ და განსადიდებლად დაიწერა. ფაქტობრივად იგი მთელი ჩვენი ხუროთმოძღვრული ხელოვნების ამაღლებულ ქებათა ქებასაც წარმოადგენს.
სასარგებლო სხვებისთვის: ეს პროექტი სასარგებლო იქნება გამოცდილების გაზიარებისათვის.
სამუშაო ენა: ქართული
მონაწილეები სხვა სკოლიდან:
საგნებთან (საგნობრივ ჯგუფებთან) კავშირი: კავშირი გვექნება ხელოვნებასთან, ისტორიასთან, გეოგრაფიასთან და ა.შ.
პროექტის ფასილიტატორი:
ფასილიტატორის ელ ფოსტა: leila berZeniSvili@Gmail.com
პროექტის ფორუმი: სიტყვის ხელოვნება
პროექტის გვერდი/ბლოგი:სიტყვის ხელოვნება.